ज्योतिषाचार्य दामोदरनाथ लोहनी
मेष राशि – चु,चे, चो, ला, लि, लु, ले, लो, अ (Aries) :
मङ्गलबारसम्मका दिन राम्राखालका छैनन् । अनेकौँ समस्या परी मन खिन्न हुनेछ । बुधबारदेखि मात्रै सामान्यखालको सुधार आउला । परिवारबाट पाउनुपर्ने सहयोग होलाजस्तो छैन । त्यस्तै मित्रहरू पनि स्वार्थीखालका छन् । स्वास्थ्यस्थितिसमेत त्यति राम्रो देखिँदैन ।
वृष राशि – इ, उ, ए, ओ, बा, बि, बु, बे, बो (Taurus) :
सुरुका दुई दिनमा केही काम बन्नेछन् तर सोमबारदेखि ́झन्झटकै बढोत्तरी देखिन्छ । मनमा भएको शङ्का र त्रास घटे पनि निर्णय गर्ने शक्तिमा कमी छ । मित्रबाट भने राम्रै सहयोग प्राप्त होला । पढाइको क्षेत्रमा पनि पहिलेभन्दा सामान्य सुधार आउनेछ
मिथुन राशि – का, कि, कु, घ, ङ, छ, के, को, ह (Gemini) :
पहिलेभन्दा सुधारिएको साता छ । मानसिक चिन्तामा बिस्तारै कमी आउनेछ भने गरेका काम सामान्य रूपले भए पनि बनेरै जानेछन् । व्यापार र व्यवसायले राम्रै लाभ दिनेछ । बिहीबारको दिनमा भने अनावश्यक झन्झट पर्न सक्छ ।
कर्कट राशि – हि, हु, हे, हो, डा, डि, डु, डे, डो (Cancer) :
आम्दानी र खर्च बराबरै जस्तो हुनाले बचत हुने सम्भावना कम छ । विशेषगरेर आफ्नो र परिवारको स्वास्थ्यसम्बन्धी समस्याले खर्च बढाइरहला । शिक्षाको क्षेत्रमा राम्रा दिन आएकाले त्यतैतिर श्रम थप्नुहोस् । व्यावसायिक कामबाट सामान्यखालको लाभ लिन सक्नुहुनेछ ।
सिंह राशि – मा, मि, मु, मे, मो, टा, टि, टु, टे (Leo) :
सुरुका दिनमा पेटमा बिसन्चो वा रुघाखोकीको प्रकोपले हैरान पार्ला र त्यसको उपचारका लागि खर्चसमेत गर्नुपर्नेछ । मङ्गलबारको बेलुकीदेखि मात्र स्थितिमा सुधार आउला । बौद्धिक स्थिति त्यति राम्रोखालको छैन । जागिरकै कामले मात्र टेवा देला । शिवजीको सेवा गरिरहनुहोस् ।
कन्या राशि – टो, प, पि, पु, ष, ण, ठ, पे, पो (Virgo) :
मध्यमखालको साता छ । आधा काम बन्नेछन् भने आधा बाँकी नै रहनेछन् । बौद्धिक स्थिति राम्रो भए पनि बाधा दिने तत्वको बढोत्तरीले लक्ष्य पूरा गर्न गाह्रो हुनेछ । स्वास्थ्य पनि पूरा राम्रो रहलाजस्तो छैन । प्रत्येक दिन गणेशको दर्शन र आराधना गरिरहनुहोस् ।
तुला राशि – र, रि, रु, रे, रो, ता, ति, तु, ते (Libra) :
सम्मान र खर्चमा खास फेरबदल देखिँदैन । प्रतिष्ठा बढ्ने समय हाल छैन । बरु तपाईंको तेजोवध गर्नेहरू धेरै निक्लनेछन् । शिक्षाको क्षेत्रमा सामान्य प्रगतिमात्रै छ । विवाहसम्बन्धी कुरामा केही प्रगति हुन सक्छ ।
वृश्चिक राशि – तो, ना, नि, नु, ने, नो, या, यि, यु (Scorpio) :
साता राम्रैखालको छ । सुरुकै दिनमा इष्टमित्रसँग भेटघाट हुनुको साथै रमाइलो गरिएला । मित्रहरू मद्दत दिनेखालका नै छन् । मुद्दा–मामिला वा वादविवादमा पनि विजय हुने समय छ । स्वास्थ्यबारे पीर मान्नुपर्दैन । व्यवसायले पनि केही न केही दिइरहनेछ ।
धनु राशि -ये, यो, भ, भि, भु, ध, फा, ढ, भे (Sagittarius) :
खर्च बढी होला । राम्रो काममै खर्च हुनाले मानसिक चिन्ता भने पर्ने छैन । किताब किन्नमा वा शैक्षिक सामग्री सङ्कलन गर्नमै धेरै खर्च हुनेछ । प्राविधिक ज्ञान प्रशस्त छ । त्यसैले तपाईंलाई केही न केही लाभ पनि गराइरहला ।
मकर राशि – भो, ज, जि, खि, खु, खे, खो, गा, गि (Capricorn) :
मनमा डर र शङ्का त रहला तर हाल बिग्रने समय छैन । धेरै कुरामा निर्णय लिने मुडमा तपाईं हुनुहुन्छ । अस्थिरताको वातावरण बिस्तारै घटेर जाला । शिक्षाको क्षेत्रमा सामान्य प्रगति छ । मित्रहरूबाट सहयोग हुने नै छ । प्रेमको क्षेत्रमा पनि प्रगतिकै रेखा सामुन्ने आउनेछन् ।
कुम्भ राशि – गु, गे, गो, सा, सि, सु, से, सो, द (Aquarius) :
असल काममै खर्च हुनेछ । हातले समातेको व्यवसायले त्यस्तो खर्चलाई पु¥याउन सकिनेछ । आन्तरिकभन्दा बाह्य व्यापारले टेवा देला । काम गर्ने साहस कत्ति पनि घटेको छैन । मान–प्रतिष्ठामा ह्रास देखिन्न । बाधा दिनेभन्दा सहयोग गर्ने मित्रको सङ्ख्या बढी छ ।
मीन राशि – दि, दु, थ, झ, ञ, दे,दो, च, चि (Pisces) :
सातालाई राम्रो रूपमा लिन सकिन्छ । मनमा अलिकति शङ्का र भय भए पनि बिस्तारै त्यसलाई निर्मूल गर्न सकिनेछ । व्यवसायिक लाभ मध्यमखालको छ भने गणेश एवम् शनिको आराधनाले धेरै बाधालाई हटाउन सकिनेछ।
