एजेन्सी, बिचित्रको यो संसारमा अनेक थरिका अनौठा कानुनहरु रहेका छन् । जुन सुन्दा जो-कोहीलाई अचम्म लाग्न सक्छ । कतिपय कानुन प्रतिबन्ध भएका छन् भने कतिपय अझै लागु हुदै गईरहेको छ । दुनियाँमा भएको केही बिचित्र कानुन यस प्रकार रहेका छन् ।
१ अमेरिकाको अर्कान्ससमा श्रीमानले श्रीमतीलाई महिनाको एक पटक कुट्न पाउने नियम रहेको छ ।
२ बेलायतमा गर्भवती भएका महिलाहरुले अप्ठेरो परेको बेला जुनसुकै ठाउँमा पनि दिशापिसाब गर्न पाउने नियम रहेको छ ।
३ इटालीको एबोलीमा चलिरहेको कारभित्र चुम्बन गर्न शक्त मनाही गरिएको छ ।
४ बोलिभियाको राजधानी लापाजमा विवाहित महिलाले एक दिनमा मात्र एक गिलास वाइन पिउन पाउने नियम रहेको छ ।
५ क्यानडाको अल्बर्टा प्रान्तमा बजारमा किनमेल गर्दा कसम खानुका साथै ठुलो स्वरमा बोले कानुन बमोजिम जरिवाना तिर्नुपर्ने नियम रहेको छ ।
६ अमेरिकाको ओक्लोहामामा कुकुरलाई जिस्काउन पाइदैन।
७ अमेरिकाको फ्लोरिडा राज्यमा आइतबारको दिन कुमारी कन्याहरुलाई स्काइ डाइभ गर्न प्रतिबन्धित गरिएको छ ।
