एजेन्सी, एक करोड रुपैयामा घोडा किनेर चर्चित भएका प्रसिद्ध निर्माता हितेश रबारीको शव उनकै फार्म हाउसमा भेटिएको थियो । टाउकोमा गोलि लागेको अवस्थामा उनलाई भेटिएको थियो । जुन स्थितिमा उनको शव भेटेको थियो त्यस अवस्थालाई हेर्दा उनको हत्या भएको हो या आत्माहत्या गरेको हो छुट्टयाउन गार्हो भएपछि यसबारे छानविन सुरु भएको छ ।
हितेश बिहीबार राति १२ बजे आफ्नो फार्म हाउस पुगेका थिए। शुक्रबार बिहान जब हितेशका नोकर उनलाई उठाउनको लागि कोठामा गए तब उनले हितेशको मृत शरीर देखेका थिए।
हितेशले मटवाड गाउस्थित ३०० बिघा जमिनमा फार्म खोलेका थिए । हितेश घोडा चढ्न निकै नै शोखिन थिए । ६८ ईन्च अग्लो उचाई भएको घोडा १ करोड रुपैयामा किनेपछि उनि चर्चित भएका थिए। बलिउड अभिनेता सलमान खान पनि हितेशको अतिथि बनेका थिए । सलमान हितेशको घटना भएको फार्ममा पुगेका छन् ।
