बिगुल वास्तु, काठमाडौँ । वास्तु शास्त्रका अनुसार यदि बिहानको समय राम्रो भएमा दिनभर राम्रो हुने बिश्वास गरीन्छ । यसैले हिन्दुशास्त्रको मान्यता अनुसार पनि यस्तो मानिन्छ कि जुन नियमहरु बिहान उठ्ने बित्तिकै पालन गर्नाले भाग्यले पनि हरेक पलमा साथ दिन्छ । त आउनुहोस जानौं बिहान उठेर के गर्नाले तपाईको दिन सौभाग्यमय तरिकाले बित्ने छ ।
१. बिहान उठ्ने बित्तिकै आफ्नो हातको दर्शन गर्नु
बिहान उठ्ने बित्तिकै आफ्ना दुबै हातको दर्शन गर्नाले भगवानको आसिबार्द मिल्दछ भन्ने कुरा हिन्दुशास्त्रमा उल्लेख गरेको छ । बिस्तारा वाट जमिनमा टेक्नु अघी भगवानको स्मरण गर्नु उचित हुन्छ ।
२. नियमित स्नान
अघिल्लो दिनको कडा मेहनतले शरिरमा आलस्य आउनुका साथै पसिना पनी जमेको हुन्छ । साथै दिमागमा पनि बोझ बढेको हुन्छ । त्यसैले दैनिक स्नान गर्नु आवस्यक हुन्छ । दैनिक स्नानले शरीरमा स्फुर्ती आउनुका साथै तन मन शुद्ध हुन जान्छ ।
३. भगवानको पुजा आराधना
दैनिक रुपमा स्नान गरीसकेपछी तन, मन शुद्ध हुनुका साथै दिमागमा भएका बाधाहरुपनि हल्का हुन्छन्, तब भगवानको पूजा आराधना गर्नु उचित हुन्छ । जुन मानिसहरु पुजा आराधनामा असहजताको महशुस गर्दछन् । उनिहरु बिहानको समयमा प्रणायाम तथा मेरीटेसन गर्नु आवश्यक हुन्छ । यसले कुनै पनि कार्यमा एकाग्रता ल्याउनु का साथै सहि तरीकाले काम गर्ने शक्ति प्रदान गर्दछ ।
४. मान्यजनहरु संग आशीर्वाद लिनु
बिहान आफ्नो घरवाट बिद्यालय तथा काममा निस्कनु अघी आफ्ना मान्यजनहरु संग आशीवार्द लिनु उचित हुन्छ । उहाँहरुको आशीवार्द लिनाले भगवानको कृपा रहन्छ भन्ने बिश्वास गरीन्छ ।
५. दही खानु
परम्परागत मान्यताका अनुसार घरवाट निस्कनु भन्दा अघी दही या सगुन खानु उचित मानिन्छ । यसो गर्नाले मस्तिष्क तथा शरीरमा गुलकोजको आपूर्ति हुन जान्छ, साथै नवग्रह पनि अनुकुल भएर साथ दिन थाल्दछन् ।
