एजेन्सी – संसारमा धेरैजसो मानिसहरु आफ्नो भाग्य खुल्ने दिन पर्खिरहेका हुन्छन् । अचानक भाग्य खुल्ने आशा आरामले बसेर कसैले गर्दैनन् । यसको लागि हात देखाउन मानिसहरु पण्डित वा विद्वानको मा जाने गर्दछन् । किनकी यसबाट उनीहरुले आफ्नो उज्ज्वल भबिष्यलाई देख्न चाहन्छन् । आजभोली चारैतिर नयाँ नयाँ आविष्कार भईरहेको छ । त्यसैले अब तपाइँले आफ्नो बारेमा हातले मात्र नभई खुट्टाले पनि हेर्नसक्नुहुन्छ ।
१) रोमन फुट:
यो प्रायजसो पाईने खुट्टाको आकृतिको प्रकार हो । यस्मा खुट्टाको बुढीऔंला र यस संगैको दुईवटा औंलाहरु समान रेखामा हुन्छन् । यस प्रकारको खुट्टा भएको मानिस बहिर्गमन र सामाजिक हुन्छन् । साथै यीनीहरु व्यक्तित्वको धनी हुन्छन् । जस्ले गर्दा यस्ता मानिस राम्रो उद्घोषक र व्यापारी बन्दछन् ।
२) स्क्वायर फुट:
यस किसीमको खुट्टामा बुढीऔंला र अरु औंलाहरु सबै समान रेखामा हुन्छन् । यस प्रकारको खुट्टा हुने मानिस शान्त र सन्तुलित स्वभावको हुन्छ । यसै कारणले गर्दा यस्ता मानिसहरु विश्वासयोग्य र व्यवहारिक हुन्छन् । ३) ग्रीक फुट:
यस प्रकारको खुट्टाको आकारलाई फ्लेम फुटको नामले पनि चिनिन्छ । यस किसीमको खुट्टामा बुढीऔंला संगैको औंलाको आकार सबैभन्दा ठूलो हुने हुन्छ । यस्तो खुट्टा भएका व्यक्तिहरु बलवान र प्रोत्साहन गर्ने किसीमका हुन्छन् । यस्ता व्यक्तिहरु भविष्यमा आर्टिस्ट र खेलाडि बन्न सक्छन् ।
४) स्टेचड फुट:
यस किसीमको खुट्टा हेर्दा पातलो देखिन्छ । यस्मा सबै औंलाहरु बुढिऔंलाको नजिकबाट क्रमशः आकारमा सानो हुदैं जान्छन् । यस किसीमको आकारको कारणले गर्दा खुट्टा लामो पनि देखिन्छन् । यस्ता खुट्टा भएका मानिस आफ्नो गोप्यता लुकाउनमा सिपालु हुन्छन् । र यस्ता व्यक्ति मनस्थिति बदलिरहने स्वभावको हुन्छ ।
५) सानो औंला अरु औंलाभन्दा अलग रहन नसक्नु:
यस किसीमको खुट्टाको सानो औंला अरु औंलालाई एकै साथ समाउँदा पनि अलग रहन सक्दैनन् । यस्ता व्यक्ति सुरक्षात्मक स्वभावका हुन्छन् । र आफ्नो साथीप्रति ईमान्दार हुन्छन् ।
६) सानो औंला अरु औंलाभन्दा अलग रहन सक्नु:
यस किसीमको मानिसले आफ्नो जिन्दगीको परिवर्तनलाई सजिलै स्विकार गर्दछन् । यस्तो मानिसलाई एडवेंचर ( जोखिम, साहसको काम) एकदमै मनपर्छ ।
७) सानो औंला धेरै नै बाङ्गो हुनु: 
यस्ता व्यक्तिहरु विद्रोही स्वभावका हुन्छन् । यीनीहरु हरेक काम आफ्नो इच्छाअनुसार गर्न मात्र मनपराउँछन् । यस्ता व्यक्तिले छिटै अरुलाई विश्वास गर्दैनन् ।
८) दोस्रो र तेस्रो औंलाको बीचमा खाली ठाउँ रहनु:
यस्ता व्यक्ति भावनामा सजिलै बग्दैनन् । यसै कारणले गर्दा कुनै चीजबाट टाढा भएमा पनि यीनीहरुलाई धेरै गाह्रो महशुस हुदैंन ।
९) तेस्रो औंला पछाडितर्फ झुकिनु:
यस किसीमको खुट्टा भएका मानिससँग हरेक कामको लागि योजना हुन्छ । यसै कारणले गर्दा यीनीहरुले आइपर्ने समस्याहरुलाई सजिलै समाधान गर्न सक्छन् ।
१०) बुढीऔंला सँगैको औंला बुढिऔंला माथि संलग्न रहनु:
यस किसीमको खुट्टा भएका मानिस कुरालाई बढाउने स्वभावका हुन्छन् । खुशी हुँदा पनि धेरै नै हुने गर्दछन् । र जब यीनीहरुको मुड खराब हुन्छ, तब केही पनि चीजको प्रवाह गर्दैनन् ।
